《東張西望》多次派出外景主持採訪屯門公園大媽非法揾食問題,並以連串尖銳問題令受訪者難以招架,令觀眾及網民拍爛手掌。但今日下午林泳淘以《東張西望》主持身份再次到屯門公園採訪,卻受到示威者指罵,有人高叫滾回大灣區,她就嘗試解釋《東張西望》團隊不是無綫新聞,「我哋都係香港人嚟」。

但現場仍然群情洶湧,林泳淘和攝影隊最後因此被迫離開集會範圍。其後林泳淘在 IG Story 講心聲,希望大家可以睇到他們的努力,她說道:「大家嘅行為我好明白,但請唔好被偏見蒙蔽別人的真心。」林泳淘又指,爭取到場採訪得來不易:「大家沒法想像我們背後的努力和興奮,我們也只是想在能力範圍內為大家出一點力。讓更多人看到香港小市民正在面對的問題不行嗎?」她又堅強地留言:「雖然失望但不灰心。」

其實早於3月31日民陣發起反修訂《逃犯條例》遊行,林泳淘已在 IG 呼籲人上街:

林泳淘認為,現行法例可能係有漏洞。之但係政府今次提出嘅修訂方案,所帶來嘅危險性隨時會更加恐怖。佢強調,能夠響一個安全嘅環境生活,絕對唔係必然。參加遊行所花嘅時間其實唔會太耐,但係如果大家唔企出嚟發聲嘅話,分分鐘會後悔一世。

之後曾有指她被 TVB 雪藏接近兩個月、亦因此被大量紅色媒體指罵及杯葛封殺,真係好人難做。

林泳淘:


相關新聞:


【GIF圖集】屯門公園高齡阿伯舞姿震全城


【誰明阿伯心?】有人生果金封利是,派到無錢開飯 有人話唔可以畀老婆知 (有片)