1988年電檢處落實電影三級制,為色情電影打開方便之門。喺嗰個年代,色情光碟及互聯網還未出現,當時嘅人想睇三級片,只能買飛入戲院睇。於是部分主打粵語片嘅戲院例如大華、油麻地、銀都等,就決定播三級片應市。

由於三級片受歡迎,香港曾有一段短暫嘅三級片黃金時間。好多二、三線影視明星都願意全裸拍『有劇情』嘅本土三級片,就好似李麗珍、鍾麗緹、鍾珍等人也是九十年代的三級片艷星。而 TVB 現在嘅一線男星陳豪、黎耀祥、陶大宇、吳啟華等,喺以前都拍過唔少『有劇情』嘅三級片。

可惜好景不常,之後大家都知三級片受到三樓有三仔,四樓有四仔嘅翻版VCD/DVD及互聯網夾擊,無票房自然再無香港女星肯拍三級片。戲院只能播歐美日色情小電影,但去到後期,就算頂爛市做到一張飛40蚊全日任睇,都已經再無人去戲院睇三級片… 2011年,最後一間放映三級片嘅官涌戲院亦完成歷史性任務,功成身退。

講到香港三級片,其實以前啲三級片名真係好搞笑。嗰時片商為咗增加吸引力,好多時片名都係「押韻」或者玩「食字」。最經典有《借叔一簫》、《豐乳同露》、《扑濕瑪莉》、《一夜夫妻百二蚊 》等等。呢啲片名好多時都融入咗香港嘅語言丶景物、生活習慣等… 極具香港文化特色。